Posts tagged ‘Fábio Monteiro’

Mi ekplanis vojaĝon al Usono

Esperanta flago. Ĉi-semajne mi serioze komencis plani mian unuan aventuron al eksterlandan Esperantan medion.

Jes! Finfine, mi ekplanis mian unuan vojaĝon al eksterlando! Unue, mi pensis pri UK (en Islando) kaj IJK (en Israelo)… Tamen, post serĉado interrete, mi konstatis ke fakte la plej famaj E-eventoj de la Esperanta movado ĉi-jare okazos tro for de Brazilo, do ili tro multekostos al brazilanoj. Pro tio, mi tute rezignis pri miaj unuaj ideoj…

Nun mi esploras la usonan mapon.

Nun mi esploras la usonan mapon.

Tio okazis ĝuste kiam mi ricevis informojn pri NASK (Nord-Amerika Somera Kursaro) kaj pri la Usona Kongreso de Esperanto, ambaŭ okazos unu post la alia de la 26-a de junio ĝis la 8-a de julio, en la sama loko. Tiam mi pensis: “kiel bona oportuno!”. Ĉar mi povas kunligi du gravajn interesojn miajn: Esperanton plus anglan, krome elspezante malpli da mono kompare kun vojaĝo al Eŭropo…

Hodiaŭ mi pretigis la suban leteron, kaj mi ĵus komencis sendi ĝin interrete al pluraj Esperantaj asocioj kaj kluboj en Usono. Mi scivole atendas la respondojn, kvankam mi forte esperas ke la rezultoj ravegos min! Tion mi rakontos al vi – leganto – en sekvaj blogaĵoj.

[Fábio Monteiro]


Brazila Esperantisto serĉas gastejon en Usono

Saluton, geamikoj el Usono!!!

Jen mia vizaĝo.

Jen mia vizaĝo.

Mi nomiĝas Fábio Monteiro kaj aĝas 34 jarojn. Mi estas brazila ĵurnalisto kaj Esperanta aktivulo, kiu unuafoje partoprenos en NASK kaj en la Usona Kongreso de Esperanto ĉi-jare. (Sube estas pli da informoj pri mi)

Pro tio, nuntempe mi organizas mian vojaĝon kaj restadon en Usono… Post la koncernaj E-eventoj, mi intencas resti en Usono dum unu aŭ du monatoj, precipe por studi la anglan lingvon, por turismi iomete tra la lando, kaj kompreneble por profiti la mirindajn oportunojn, kiujn Esperanto donacas al ni. Pro tio, mi petas helpeton al vi ĉiuj!

Mi volus ekscii pri tio: en kiuj urboj mi trovos organizatajn E-grupojn kaj eblajn E-gastejon? Mi volegus restadi ĉe Esperantistoj en Usono! Por mi, ne gravas ĉu la urbo estas granda aŭ malgranda, ĉu la grupo estas junaĝa aŭ maljunaĝa, ĉu la vetero estas varma aŭ malvarma… Laŭ mi, pli valoras sperti la kulturan interŝanĝon pere de Esperanto.

Mia dezirata vojaĝplano estas: unue, mi iros al urbo Raleigh (ĉefurbo de Nord-Karolino), kie okazos NASK kaj la nacia kongreso. Poste, mi ŝatus resti dum pli-malpli unu monato en iu urbo, kie mi povas studi la anglan ĉe somera aŭ intensa kurso. Post tio, mi volus vojaĝi al du aŭ tri malsamaj regionoj por simple turismi, tiuokaze mi restados en tiuj urboj nur dum kelkaj tagoj. Poste mi revenos al mia brazila hejmo probable tre feliĉa!

Eble vi jam spektis ion pri mia E-projekto ĉe YouTube.

Eble vi jam spektis ion pri mia E-projekto ĉe YouTube.

Se vi povas kaj volas gastigi eksterlandan esperantiston (tre simpatian!), do bonvole respondu ĉi-mesaĝon! Se vi ne povas, tamen konas alian Esperantiston kiu povas, do bv resendu ĉi-mesaĝon al li aŭ ŝi. Mi kredas ke ju pli frue oni organizas itineron, des pli bone la vojaĝo konkretiĝos. Mi anticipe elkore dankas al ĉiuj helpantoj!

Kompreneble, mi respondecas pri miaj elspezoj, mi ankaŭ pretas helpi en la hejmaj taskoj, kaj mi povas zorgi pri mia propra manĝaĵo. Specifajn kondiĉojn de la gastiganto ni certe povas interkonsenti. Nature kaj volonte, iu ajn kunlaboro ĉe Esperantaj kluboj, asocioj aŭ kursoj estas tre bonvena por mi!

Mi anticipe dankas pro via atento. Kaj mi esperas konatiĝi persone kun vi dum NASK kaj dum la Usona Kongreso de Esperanto.

Amike,

Fabjo Montejro


Iom pri mi: Mi estas profesia ĵurnalisto, kiu nuntempe laboras en Televid-kanalo kaj radi-stacio en Brazilo. Mi loĝas en urbo Fortalezo, situata en la nordorienta parto de la lando. Ĝi iom famas en Esperantujo pro ĝia vigla E-movado kaj pro la fakto ke ĝi gastigis UK-on en 2002. Mi estas fraŭlo, tial mi ankoraŭ ne havas gefilojn.

Mi laboras kiel prezentisto ĉe televid- kaj radi-stacio.

Mi laboras kiel prezentisto ĉe televid- kaj radi-stacioj.

Mi ekkonis Esperanton en 2008, kiam mia ĉefo “devigis” min prepari televid-raporton pri la Internacia Lingvo. Tiam mi tuj interesiĝis pri Esperanto. Nun mi estas ano de UEA kaj gastiganto ĉe Pasporta Servo. Ene de Esperantujo mi reĝisoras aŭdvidan projekton, nome “Globeto – Interreta Televido”.

– Spektu Globeton:
https://www.youtube.com/playlist?list=PL6080927F401B564B

– Vizitu mian blogon:
http://fabinhomonteiro.com

– Kontaktu min ĉe Facebook:
http://facebook.com/fabjomontejro


England flagSummary: This week I started planning my trip to USA.

Bandeira da Espanha.Resumen: Esta semana empecé a planear mi viaje a los EE.UU.

Bandeira do Brasil.Resumo: Nesta semana comecei a planejar minha viagem aos EUA.

04/04/2013 at 15:35 Deixe um comentário

Adeus, família O Povo!

Bandeira do Brasil.Coluna PLAYLIST (Jornal O Povo), do dia 04/04/2013. Veja na pág. 15: http://migre.me/56IkW

2013-04-04-Playlist-150Lembro-me claramente do dia em que comecei a escrever aqui neste espaço… Mal acreditei quando vi minha “fotinha” estampada ali no canto da página pela primeira vez! Parece que foi ontem, no entanto, a primeira coluna saiu em 24 de junho de 2004… Meu Deus, o tempo passa voando mesmo! Hoje resolvi foliar meus arquivos… Dezenas de textos, shows, festas, entrevistas, músicas e recordações de todo tipo… Certamente, vou sentir saudades disso tudo… Mas, enfim, chegou o dia de me despedir!

Nesta semana, estou iniciando uma nova empreitada pessoal e profissional e, consequentemente, estou me despedindo oficialmente do Grupo de comunicação O Povo… Muito muito feliz por ter cumprido plenamente esta jornada, por poder constatar agora que consegui realizar vários sonhos aqui… Mas também um pouco triste porque, afinal de contas, despedidas são sempre assim…

1) Rádio MIX. 2) Porque hoje é Sábado. 3) Coluna Playlist.

1) Rádio MIX. 2) Porque hoje é Sábado. 3) Coluna Playlist.

Foram pouco mais de 9 anos transitando por todos os veículos d’O Povo (rádios, TV e jornal). Ralando muito, acertando, errando também, mas principalmente aprendendo! Não dá pra mensurar aqui a quantidade de coisas que aprendi e estou levando comigo, para minha vida pessoal e carreira profissional. Sem dúvida, foram 9 anos incríveis!

1) Viva Fortaleza. 2) Recreio O Povo. 3) Top MIX na TV.

1) Viva Fortaleza. 2) Recreio O Povo. 3) Top MIX na TV.

É tanta gente pra agradecer… Leitores, telespectadores, ouvintes, entrevistados… Alguns amigos, muitos colegas, conhecidos e até desconhecidos… Queria dizer obrigado a todos que de alguma forma participaram desta jornada! Claro que não vou citar nomes aqui porque são muitos e sempre alguém acaba sendo esquecido, no entanto, minha gratidão por todos que fazem parte da grande família O Povo é imensa!!!

Espero, sinceramente, reencontrá-los entre estas páginas no futuro… Até lá!

[Fábio Monteiro]

Resumo: Mi forlasas mian laboron por preni novan vojon… baldaŭ mi rakontos pri estontecaj planoj.

Summary: I’m leaving my job to take a new way… soon I’ll write about the current plans.

Resumen: Me voy de mi trabajo para tomar un nuevo camino… Brevemente hablo de los planes actuales.

27/03/2013 at 10:30 1 comentário

Why I’m so handsome

England flag Follow my tips and be handsome too… =P (This was an English exam).

 I’m handsome, aren’t I? My mother used to say this when I was a baby...

I’m handsome, aren’t I? Ok… my mother used to say this when I was a baby… Hehe.

I really don’t know exactly what my body age is. In general, the people say that I look younger than I really am. Last weekend, for example, a girl said I was 24 years old, but in fact I’m 34! (Please, don’t spread that! Rsrs). I always say that I have a good genes, since I don’t do enough exercise and my diet isn’t so healthy.

When I was a child and teenager, I used to do many sports. I played football and basketball. I liked riding a bike and swimming. I even did many martial arts! However I haven’t done anything for 10 years. Since I started to work, I haven’t had free time to do sports very often.

To make up for my sedentary lifestyle, my diet is not so unhealthy. I’m a lucky guy, because I live with my mother and my sister! My mother is always on a diet. And my sister is vegetarian. Therefore our fridge is always full of healthy food. Many kinds of fruits, vegetables, juice and no meat. I think I commit just two faults in my diet: maybe I drink too much coffee daily, besides some beer at the weekends. But everybody needs to relax, you know…

My healthy family!

My healthy family!

I guess there is another important point to look younger: our attitudes. Because of this, I always try to be an optimistic person, facing up to the problems with a smile. In Brazil we usually say that you have to smile always, even if you have no reason to do that! Without a doubt, this kind of attitude can greatly decrease the stress level of our everyday life, and consequently it’ll improve our health and our body age. So I try to act that way in my work and social life. Maybe that keeps me so handsome, charming and sexy! =P

[Fábio Monteiro]

Esperanta flago.Resumo: Personaj konsiletoj por iĝi bela kaj sana… =P

Resumen: Consejos personales para mantenerse guapo y saludable… =P

Bandeira do Brasil.Resumo: Dicas pessoais para ficar bonito e saudável… =P

17/02/2013 at 9:23 Deixe um comentário

Arta Ekspozicio gvidata en Esperanto

Esperanta flago. Globeto – Interreta Televido – ĵus aperigis novan raportaĵon. Legu bonvole detalojn sube.

Hodiaŭ mi publikigis novan filmeton en Esperanto. Temas pri ekspozicio de pentraĵoj verkitaj de artisto, kiu loĝas ĉi tie en urbo Fortalezo, nome Jozefo Lejĉ. Detaleto: ankaŭ li parolas Esperanton! La filmeto estas tre simpla, ĝi montras la ekspozicion dum la pentristo konversacias amike kun la spektantoj, kvazaŭ li gvidus ilin tra la pentraĵoj.

La plej interesa afero estas percepti ke nuntempe la interreto kune kun la Internacia Lingvo ebligas tian mirindan formon de interkomunikado, kie iu ajn evento – ie ajn – povas ricevi vizitantojn el ĉie (almenaŭ virtuale). Se la evento temas pri arto, tiu ebleco estas eĉ pli ĝojebla, ĉar oni kutime diras ke la arto efektive estas universala lingvaĵo…

Ha, ĉi tiu filmeto estis la unua farita de mia nova kamerao, kaj ĝi funkciis kiel unua eksperimento… Fakte la kvalito de la bildoj kaj de la sonoj multe pliboniĝis kvankam mi filmis sub malbonaj kondiĉoj, en bruema kaj iom malluma loko. Sed la unua rezulto plaĉis al mi. Do mi esperas ke ankaŭ vi, la leganto-spektanto, ĝuu ĝin. Bonvole opiniu! Lasu vian komenton ĉefe ĉe YouTube. Via reago tre gravas al nia projekto!

[+] Ankaŭ vizitu bonvole la blogon de la pentristo: www.lejch.blogspot.com.br

[Fábio Monteiro]

England flagSummary: Video of an exhibition of paintings where the painter himself guides us in Esperanto.

Bandeira da Espanha.Resumen: Video de una exposición de pinturas guiada por el propio pintor en Esperanto.

Bandeira do Brasil.Resumo: Vídeo de uma exposição de pinturas guiado pelo próprio pintor em Esperanto.

26/11/2012 at 18:59 Deixe um comentário

“Esperanto Geedzigas” en la Esperanta Retradio!

Esperanta flago. Globeto (Interreta Televido) vojaĝas tra la Esperantujo.

Hodiaŭ mi estas treege feliĉa kaj emocia! Mi preskaŭ ne kredis kiam mi aŭdis tiun basan kaj belan voĉon reklamante miajn filmetojn pere de la Esperanta Retradio. “Kun granda ĝojo mi prezentas ĉi tie en la Esperanta Retradio tiujn du filmetojn kaj mi esperas ke sekvos multaj similaj belaj raportoj el tiu urbo kaj el la lando”, diris Anton Oberndorfer, unu el la plej konataj voĉoj el Esperantujo. Kompreneble li parolis multe pli, inkluzive laŭde pri Brazilo kaj pri mia urbo… Se vi volas, vi povas aŭskulti ĉion ĉe la suba ligilo:

http://peranto.posterous.com/esperanto-edzperanto-en-brazilo

Tio kortuŝis min speciale, ĉar mi jam konsideras ke la Esperanta Retradio estas parto de mia ĉiutaga vivo. Efektive mi ĉiam amegis radion ekde mi estis infano (cetere, pro tio mi nuntempe profesie laboras en radistacio!). Tamen mi malkovris antaŭ nelonge ke ankaŭ aŭskulti Esperantajn elsendaĵojn estas granda fonto de ĝojo, ĉar oni povas unuigi utilecon kaj amuzon. Ekde tiam mi fariĝis fidela aŭskultanto de la Esperanta Retradio.

La voĉo!

La voĉo!

Grava detalo, kiun mi volas substreki, estas tiu stranga fenomeno, kiu atingas ĉiujn radio-fanatikulojn ĉirkaŭ la mondo. Malgraŭ la manko de bildoj, la voĉoj havas nekredeblan allogan forton! Se la radio-parolanto klare, simpatie kaj interese alparolas, tiam aŭtomate la aŭskultantoj fariĝas amiko de la parolanto! Kaj tio estas mia sento ĉiam kiam mi aŭskultas la voĉon de Anton aŭ de alia kunlaboranto de la Esperanta Retradio. Pro tio mi volas danki al la skipo, kaj peti: bonvole neniam haltu tiun belan laboron!


Strategio por lerni Esperanton per radio

Nuntempe la Esperanta Retradio estas unu el la plej gravaj metodoj, kiujn mi uzas, por lerni Esperanton. Per ĝi oni povas lerni pli ol gramatikaj strukturoj aŭ novaj vortoj. La Esperanta Retradio estas riĉa fonto de informoj pri preskaŭ ĉio, ĉar ĉiu sonartikolo temas pri specifa afero, krome ĝenerale ili ankaŭ liveras ian interesan individuan vidpunkton aŭ propran sperton pri la koncerna temo.

Esperanta Retradio en mia MP3-ludilo.

Esperanta Retradio en mia MP3-ludilo.

La plej bonaj aferoj: la programoj estas mallongaj, ĉirkaŭ kvin-minutaj, do ili ne lacigas la aŭskultantojn kaj tio ankaŭ estas taŭga por sentempuloj, kiel mi… Krom la elŝutebla sonmaterialo, ankaŭ la skribita versio estas kopiebla! Krome ĉiuj sonartikoloj, eĉ la plej malnovaj, restas arkive ĉe la retpaĝo. Do tio estas vera trezoro por Esperantaj lernantoj.

Kiel mi ne havas sufiĉan tempon por eniri en la retpaĝon ĉiutage, do en la fino de ĉiu monato mi elŝultas la tutan materialon de tiu koncerna monato. Tuj poste mi enmetas la sonartikolon ene de mia MP3-ludilo kaj samtempe mi registras KD-on, kiun kutime mi aŭskultas aŭtomobile. La skribitajn versiojn mi presas, bindas kaj konsultas ĉiam kiam la duboj aperas. Tiel mi provas konservi la lingvon aktive en mia kapo, per amuza kaj efika rimedo. Provu, certe vi ne pentu!

[Fábio Monteiro]

England flagSummary: Two videos which I made were mentioned in an international radio.

Bandeira da Espanha.Resumen: Dos videos que hice fueron mencionados en una radio internacional.

Bandeira do Brasil.Resumo: Dois vídeos que eu fiz foram mencionados em uma rádio internacional.

01/10/2012 at 20:38 Deixe um comentário

La lanĉado de Globeto

Esperanta flago. Hodiaŭ mi lanĉas mian unuan Esperantan Projekton: Globeto – Interreta Televido.

Post preskaŭ 1 jaro, finfine mi sukcesis munti kaj publikigi la filmetojn pri TAKE (la 8-a Tutamerika Kongreso de Esperanto). La prokrastado okazis pro manko de tempo por fari ian kroman laboron. Tamen mi nepre farendis tion, do mi kaptis mian tutan liberan tempon, inkluzive postnoktomeze kaj semajnfine, por realigi la du filmetojn.

Mi tro laboris dum la lastaj 4 semajnoj. Unue mi spektis ĉiujn filmetojn, kiujn mi filmis dum la kongreso, proksimume 300 etaj filmoj. Poste mi priskribis ĉiujn sur la papero por plifaciligi la laboron. Due mi skribis gvidilon, rakontante ĉiujn kiuj aperus ĉe la ekrano. Trie mi registris mian paroladon, elektis kelkajn uzotajn muzikaĵojn, sonefektojn, vinjetojn ktp. Poste la plej amuziga sed laciga parto: la muntado, kie mi devus aranĝi ĉiujn bildojn kaj sonojn laŭ la gvidilo… Uf! Finfine mi sukcesis fini la filmetojn kaj vi povas spekti la rezulton sube:


Pri Globeto
Mi kaptas ĉi tiun okazon por lanĉi mian unuan seriozan Esperantan aktivaĵon: “Globeto – interreta televido”. Ĝi temas pri rubriko ĉe mia “YouTube”-a paĝo, kie mi enmetas nur filmetojn en Esperanto aŭ pri Esperanto.

Globeto ne estas oficiala, movada, ŝtata aŭ ligita al ia specifa Esperanta entrepreno. Komence ĝi estas tre simpla projekto, tute sendependa kaj iom privata, ĉar ĝi estas farita de sola Esperantisto, kiu nur ŝatas raporti per filmoj.

Tiuj estas diversaj vinjetoj de Globeto.

Tiuj estas diversaj vinjetoj de Globeto.

Vere mi ne bone scias kiel daŭrigi la aferon, ĉar nuntempe mi ne havas sufiĉan liberan tempon por dediĉi min al Globeto. Tamen mi provos pretigi minimume po 1 filmeto monate, aŭ po 1 filmeto dum 2 monatoj… Mi ne ĝuste scias pri tio, sed mi klopodos daŭrigi ĝin.

Mi opinias ke ankaŭ eblas kunlabori interrete kun aliaj esperantistoj, kiuj estas disaj en la mondo kaj ŝatas filmi kaj foti. Certe tio estas bonega oportuno por konstrui riĉan kaj diversecan kaj internacian aŭdvidan kulturaĵon en Esperanto. Ĉu eblus?

Tiel mi esperas kontribui por la Esperanta ideo, por la disvastigado de nia lingvo, kaj por la lernado de novaj esperantistoj, kiuj volas lerni Esperanton per pli amuzaj metodoj.


La sekvaj paŝoj
Sony Cyber-shot DSC-W350

Sony Cyber-shot DSC-W350

Se vi jam spektis la filmetojn pri TAKE, vi certe perceptis ke bedaŭrinde la kvalito de la bildoj ne estas tiel bona. Ili estas nur videblaj, sed tre malbonaj, ĉar ili estis faritaj per ege simpla fotilo (vidu dekstre). Pro tio, mia celo nun estas aĉeti plibonan kameraon por plibonigi la kvaliton de Globeto, kaj fari la bildojn pliagrablaj al la spektantoj. Mi intencas fari tion en la venonta monato. Tuj poste mi faros novajn filmojn. Mi jam havas kelkajn ideojn kaj bonajn historiojn por rakonti… Pri tio, tuj mi blogos ĉi tie.


Kiel kaj kial fari E-filmetojn?
Nuntempe esprimi sin per filmoj fariĝis tre facila. Ankaŭ fariĝis facila publikigi kaj dissendi filmojn mondskale. Por fari tion, vi ne bezonas esti profesia ĵurnalisto, filmisto aŭ reĝisoro. Vi bezonas nur ian fotilon aŭ filmilon kaj ian komputilon, krom la volo, la vervo, kaj la instigo esprimi sin per filmoj.

La teknikaĵoj por esti filmanto fariĝis iom malmultekosta kaj tre havebla en plejmulto da landoj. Krome ne estas mistero kiel manipuli filmilojn aŭ fotilojn. Tiaj maŝinoj ĝenerale funkcias kiel infanaj kaj amuzigaj ludiloj. Probable la problemo estus la muntado, ĉar la softvaroj por fari tian laboron eble ne estas tiom popularaj inter nefakuloj. Tamen jam estas kelkaj programaroj, kiuj estas tre haveblaj, facile uzeblaj, malmultekostaj aŭ eĉ liberaj, kaj ili kapablas realigi muntadojn kvazaŭ profesinivelo. Mi ekzemple uzas softvaron, kiu nomiĝas “Sony Vegas” kaj ĝin mi rekomendas al la komencantoj.

Sony Vegas: softvaro por munti filmetojn.

Sony Vegas: softvaro por munti filmetojn.

Do faru ni E-filmetojn! Estas facile kaj krome tre utile! Nun mi memoras ke antaŭ 4 jaroj, kiam mi malkovris Esperanton, mi unue serĉis ion ĉe “Youtube”, sed preskaŭ nenio aperis… Tamen nuntempe jam estas pli da E-filmetoj interrete, sed la kvanto ankoraŭ ne sufiĉas. Mi opinias ke la aŭdvidaj produktaĵoj estas nepraj aferoj por Esperanto. Ĝi ebligas ege interesan kulturan interŝanĝon. Ĝi multe helpas la lernadon kaj la disvastigadon de la lingvo. Kaj ĝi povas montri plifacile al neesperantistoj ke nia internacia lingvo estas viva, disa en la tuta mondo kaj estas tre utila. Do antaŭen!


Kion esperas mi?
Per ĉi tiuj unuaj filmetoj mi esperas ke la homoj, kiuj partoprenis en TAKE, sopiros pri tiuj neforgeseblaj tagoj en San-Paŭlo. Kaj tiuj, kiuj ne partoprenis, fariĝos instigataj por partropeni ĉe la venontaj Esperantaj aranĝoj.

Mi ankaŭ volas ege danki al ĉiuj, kiuj estis intervjuitaj; kaj al ĉiuj geamikoj, kiuj helpis iamaniere. Ha, se vi volas komenti aŭ lasi ian opiniojn, bonvole ne hezitu! Skribu sube. Tamen estas grave lasi komentojn ĉe la propra “YouTube”-a paĝo, ĉar tie pli da ordinaraj homoj povos konstati ke Esperanto vere ekzistas. =P

[Fábio Monteiro]

England flagSummary: Today I release my first Esperanto project: Globeto – Internet television.

Bandeira do Brasil.Resumen: Hoy estoy lanzando mi primer proyecto en esperanto: Globeto – tele en Internet.

Bandeira do Brasil.Resumo: Hoje eu estou lançando meu primeiro projeto en Esperanto: Globeto – televisão na internet.

11/06/2012 at 0:01 20 comentários

Lernante per novaj geamikoj

Esperanta flago. Mia unua sperto kiel E-gastiganto.

Antaŭ du semajnoj, okazis io, kio ege tuŝis min; io, kio faris min repensi pri kelkaj aferoj de mia viv-maniero. Delonge mi ne sentis tian sentaĵon. Eble ĉar nia “moderna vivo” ne donas al ni tempon por percepti, ke ankoraŭ ekzistas beleco kaj “poezio” en nia mondo, en nia ĉiutaga vivo…

Kiu re-malfermis miajn okulojn estis nova amikino, kiu estas belga knabino. Ni interkonatiĝis dum promenado tra urbocentro de San-Paŭlo… Mi tuj klarigos pli bone ĉi tiun rakonton: en la pasinta monato, okazis TAKE (Tutamerika Kongreso de Esperanto) en brazila metropolo San-Paŭlo. Unu tago post la fino de la kongreso, preskaŭ ĉiuj E-geamikoj jam foriris. Tiam mi kaj la belgino havis nenion por fari en la hoteleto. Do, mi proponis al ŝi:

― Ĉu vi ne volus koni la urbocentron? Ĉi tie estas ege teda…
― Kial ne? Ek!

Mi kaj ŝi ĉe la komenc-marko de San-Paŭlo.

Mi kaj ŝi ĉe la komenc-marko de San-Paŭlo.

Tiel nia amikeco komenciĝis…

Post kelkaj tagoj, venis la plej bona sperto: ŝi gastis ĉe mi dum dek tagoj. Jes, mia unua sperto kiel E-gastiganto (ĉar mi estas nova esperantisto…)! Vere, mi ofte gastigas amikojn kaj familianojn, kiuj loĝas en aliaj regionoj de Brazilo, ĉar mia loĝurbo estas tre turisma kaj, pro tio, ĉiuj volas ferii ĉe mi… Tamen gastigi eksterlandan esperantiston estas tute malsama afero…

Fortalezo: unu el la plej turismaj urboj el Brazilo.

Fortalezo: unu el la plej turismaj urboj el Brazilo.

Kompreneble, mi profitis la okazon por multe praktiki Esperanton. Tamen mi sukcesis lerni multegajn aferojn krom la internacian lingvon pro la kultura interŝanĝo. Sendube, tio estas la plej grava donaco, kiun Esperanto donas al ni: la ebleco koni homojn, kiuj havas tute malsamajn pensmanierojn, kutimojn, sintenojn ktp. Tial tiu ĉi sperto estis specialega por riĉigi mian spertprovizon. Precipe, ĉar mia belg-amikino estas treege interesa persono! Tre inteligenta, simpatia, amuza, lingvema, aventurema, kaj ankoraŭ belega kaj kun ege ĉarma E-akĉento! Nekredeble!!! Krom tio, ŝi havas ege modernan kaj fortan sintenadon. Nu, mi ege ŝatas tion! “Virinoj devas ĉiam esti sendependaj kaj memsufiĉaj”, tion ŝi kelkfoje diris, kiam mi volis helpi ŝin… Hehehe. Ĉu ioma feminisma ideo? Eble… Sed vere ŝi havas fortajn opiniojn pri ĉio, kion vi povas imagi, eĉ pri tiklaj temoj… (cetere, kiel ŝi estas ege kritikema, probable, se ŝi legus ĉi-tekston, ŝi komentos sube: “Kia stultaĵo!”. Hehehe.)

Ŝi kaj mi. =D

Ŝi kaj mi. =D

Tamen, samtempe, ŝi estas ege dolĉa, ĝentila kaj afabla knabino. Kaj vere kio plej impresis min estis la maniero malpeza kaj amuza, per kiu ŝi “spektas” la vivon, kaj vivas sian propran vivon. Ŝi jam ellitiĝas kun bela rido sur sia vizaĝo. Tiel bonhumora, ellasante ĝojon kaj trankvilecon, la tempo malrapide pasas antaŭ ŝi. Tial ŝi sukcesas perfekte ĝui ĉion, kio okazas, eĉ simplegajn aferojn kiel: la malvarmecon de la venteto, la bonguston de la manĝaĵo, la suplecon de la plaĝ-sablo, la belecon de la sunsubiro, kaj ĉiuj “etaj” aferoj, kiujn kelkfoje oni forgesas ĝui…

Ni spektas la sunsupreniron... Ho!

Ni spektas la sunsupreniron... Ho!

Strange, mi preskaŭ “osmoze” kaptis el ŝi tiujn instruojn… Tuj post ŝia foriro, mi aŭtomate skribis logan liston pri dezirataj viv-ŝanĝoj, kiuj komenciĝas tiel: “1) Forgesu viajn ‘etajn’ problemojn!; 2) Ne maltrankviliĝu pro stultaĵoj!; 3) Estu pli ridema!; 4) Ĝuu ‘etajn’ plezurojn de la ĉiutaga vivo; 5) ktp…”. Mi ne bone scias kial tio okazis… Eble ĉar mi estas en ŝanĝema viv-etapo… Pripensante pri mia viv-maniero, mia familio, mia laboro, mia viv-filozofio, miaj amikoj, miaj celoj… Pripensante pri ĉio! Kaj plibonigante aŭ korektante kelkajn antikvajn ideojn kaj konceptojn.

Do, por fini ĉi-tekston, mi nur volus danki al mia belg-amikino pro la instruado: dankegon, mia kara Anneleen! Mi esperas tuj revidi vin. Ne forgesu, ke mi ĉiam havas multegajn “pães de queijo”-n ĉe mi, kaj ke mi estas fakulo pri “cafuné”! =P Ĝis baldaŭ!

*Priskribaĵo pri la lasta bildo (klaku sur la foto por pligrandigi ĝin):

Priskribaĵo dekstre.

Priskribaĵo dekstre.

1) Teatrejo: José de Alencar.
2) Ni bierumas kaj esperantumas.
3) Elektronik-muzika festo.
4) Muzeo de Cearao.

P.S.: Ha, tuj post ĉi tiu bonega sperto, mi fariĝis gastiganto ĉe Pasporta Servo! =)

[Fábio Monteiro]

England flagSummary: A few days ago, I hosted a Belgian esperantist friend in my house. This article describes a little about the experience.

Bandeira do Brasil.Resumo: Há alguns dias, eu hospedei uma amiga esperantista belga aqui em casa. Este texto fala um pouco sobre a experiência.


27/08/2011 at 17:39 9 comentários


Languages

Clique sobre a foto e conheça o viajante: Fábio Monteiro.

O Blog

Um blog pra quem gosta de se aventurar pelo mundo. Dicas e relatos de viagem baseados em fatos reais.

Blogo por tiuj, kiuj ŝatas riski sin tra la mondo. Konsiloj kaj rakontoj pri vojaĝoj bazitaj sur realaj okazaĵoj.

A blog for those who like to venture into the world. Tips and travel accounts based on real events.

Un blog para aquellos que gustan de aventurarse en el mundo. Consejos y relatos de viajes basados en hechos reales.

1 de junho de 2016
Hora de viajar!
Clique aqui e assista ao programa!
on Facebook.
Follow me!
Veja fotos!
On Google.

• Digite seu endereço de e-mail abaixo para assinar este blog e receber notificações de novos posts por e-mail.

• Skribu sube vian ret-adreson por aboni ĉi tiun blogon kaj ricevi avizojn pri novaj blogaĵoj per ret-adreso.

• Enter your email address below to subscribe this blog and receive notifications of new posts by email.

• Introduzca su e-mail para suscribirse a este blog y recibir notificaciones de nuevos mensajes por correo electrónico.

Junte-se a 2.473 outros seguidores

Categorias

Tópicos recentes

Instagram

Viajante no Twitter

Spektu Esperantan Televidon.
Vidu mian profilon ĉe Pasporta Servo.

Posts deste mês

junho 2017
D S T Q Q S S
« jul    
 123
45678910
11121314151617
18192021222324
252627282930  
Coluna Playlist - Jornal O Povo
Fabinho na TV.
Fabinho no rádio.

%d blogueiros gostam disto: