Posts tagged ‘Brazilo’

Renkontante miajn malnovajn E-geamikojn

Mia unua E-renkontiĝeto en 2014.

Mia unua E-renkontiĝeto en 2014.

Finfine, post 6 monatoj for, hieraŭ mi rekontiĝis kun miaj geamikoj Esperantistaj en mia loĝurbo Fortalezo. Ni iris al drinkejo, tiam kelkaj bierumis, aliaj picumis, kaj kompreneble samtempe ĉiuj Esperantumis. Bedaŭdinde la tempo, kiam ni restis kune, tute ne sufiĉis… 😐 Unue ĉar ĉiuj havis novaĵojn por rakonti… Due ĉar la plejmulto devis foriri tro frue… Tamen mi, Ĵuliana kaj Vicente – pro tio ke ni estas tre laboremaj kaj respondecaj – ni decidis resti en la drinkejo ĝis pli malfrue por diskuti kelkajn aspektojn pri la organizado de la venonta IJK dum fumado de bongusta cigarego, kiun mi kunportis el Kubo… Hehe… :mrgreen:


Bonega novaĵo pri la 2014-a IJK

Nia estonta festejo plenplena dum koncerto! Tion imagu dum IJK! \o/

Nia estonta festejo plenplena dum koncerto! Tion imagu dum IJK! \o/

La unua bona novaĵo de 2014 pri IJK estas ke ni sukcesis mojosegan lokon por okazigi feston dum la kongreso. Nu, ni profitis la nokton ankaŭ por konversacii kun la estro de unu el la plej bonaj drinkejo/dancejo de Fortalezo, nome Buoni Amicis, kaj post klarigo pri nia afero li volonte regalis la ejon al ni! Krome li ofertis karnavalan muzikgrupon por sambigi la partoprenantojn! Nekredeble! 😀 Do eble tie ni okazigos brazilan feston por montri al niaj gastoj iom da tipaj muzikoj niaj, dancoj kaj drinkaĵoj… \o/ Atendu treege amuzan kaj frenezan nokton!

Por atingi pli da informoj pri 70-a IJK, vizitu la retpaĝon: www.ijk.brazilo.net

[Fábio Monteiro]

Summary: first Esperanto meeting in 2014 and news about IJK.

Resumen: primera reunión Esperantista en 2014 y noticias sobre IJK.

Bandeira do Brasil.Resumo: primeiro encontro Esperantista de 2014 e novidades sobre IJK.

16/01/2014 at 20:59 1 comentário

Mi ekplanis vojaĝon al Usono

Esperanta flago. Ĉi-semajne mi serioze komencis plani mian unuan aventuron al eksterlandan Esperantan medion.

Jes! Finfine, mi ekplanis mian unuan vojaĝon al eksterlando! Unue, mi pensis pri UK (en Islando) kaj IJK (en Israelo)… Tamen, post serĉado interrete, mi konstatis ke fakte la plej famaj E-eventoj de la Esperanta movado ĉi-jare okazos tro for de Brazilo, do ili tro multekostos al brazilanoj. Pro tio, mi tute rezignis pri miaj unuaj ideoj…

Nun mi esploras la usonan mapon.

Nun mi esploras la usonan mapon.

Tio okazis ĝuste kiam mi ricevis informojn pri NASK (Nord-Amerika Somera Kursaro) kaj pri la Usona Kongreso de Esperanto, ambaŭ okazos unu post la alia de la 26-a de junio ĝis la 8-a de julio, en la sama loko. Tiam mi pensis: “kiel bona oportuno!”. Ĉar mi povas kunligi du gravajn interesojn miajn: Esperanton plus anglan, krome elspezante malpli da mono kompare kun vojaĝo al Eŭropo…

Hodiaŭ mi pretigis la suban leteron, kaj mi ĵus komencis sendi ĝin interrete al pluraj Esperantaj asocioj kaj kluboj en Usono. Mi scivole atendas la respondojn, kvankam mi forte esperas ke la rezultoj ravegos min! Tion mi rakontos al vi – leganto – en sekvaj blogaĵoj.

[Fábio Monteiro]


Brazila Esperantisto serĉas gastejon en Usono

Saluton, geamikoj el Usono!!!

Jen mia vizaĝo.

Jen mia vizaĝo.

Mi nomiĝas Fábio Monteiro kaj aĝas 34 jarojn. Mi estas brazila ĵurnalisto kaj Esperanta aktivulo, kiu unuafoje partoprenos en NASK kaj en la Usona Kongreso de Esperanto ĉi-jare. (Sube estas pli da informoj pri mi)

Pro tio, nuntempe mi organizas mian vojaĝon kaj restadon en Usono… Post la koncernaj E-eventoj, mi intencas resti en Usono dum unu aŭ du monatoj, precipe por studi la anglan lingvon, por turismi iomete tra la lando, kaj kompreneble por profiti la mirindajn oportunojn, kiujn Esperanto donacas al ni. Pro tio, mi petas helpeton al vi ĉiuj!

Mi volus ekscii pri tio: en kiuj urboj mi trovos organizatajn E-grupojn kaj eblajn E-gastejon? Mi volegus restadi ĉe Esperantistoj en Usono! Por mi, ne gravas ĉu la urbo estas granda aŭ malgranda, ĉu la grupo estas junaĝa aŭ maljunaĝa, ĉu la vetero estas varma aŭ malvarma… Laŭ mi, pli valoras sperti la kulturan interŝanĝon pere de Esperanto.

Mia dezirata vojaĝplano estas: unue, mi iros al urbo Raleigh (ĉefurbo de Nord-Karolino), kie okazos NASK kaj la nacia kongreso. Poste, mi ŝatus resti dum pli-malpli unu monato en iu urbo, kie mi povas studi la anglan ĉe somera aŭ intensa kurso. Post tio, mi volus vojaĝi al du aŭ tri malsamaj regionoj por simple turismi, tiuokaze mi restados en tiuj urboj nur dum kelkaj tagoj. Poste mi revenos al mia brazila hejmo probable tre feliĉa!

Eble vi jam spektis ion pri mia E-projekto ĉe YouTube.

Eble vi jam spektis ion pri mia E-projekto ĉe YouTube.

Se vi povas kaj volas gastigi eksterlandan esperantiston (tre simpatian!), do bonvole respondu ĉi-mesaĝon! Se vi ne povas, tamen konas alian Esperantiston kiu povas, do bv resendu ĉi-mesaĝon al li aŭ ŝi. Mi kredas ke ju pli frue oni organizas itineron, des pli bone la vojaĝo konkretiĝos. Mi anticipe elkore dankas al ĉiuj helpantoj!

Kompreneble, mi respondecas pri miaj elspezoj, mi ankaŭ pretas helpi en la hejmaj taskoj, kaj mi povas zorgi pri mia propra manĝaĵo. Specifajn kondiĉojn de la gastiganto ni certe povas interkonsenti. Nature kaj volonte, iu ajn kunlaboro ĉe Esperantaj kluboj, asocioj aŭ kursoj estas tre bonvena por mi!

Mi anticipe dankas pro via atento. Kaj mi esperas konatiĝi persone kun vi dum NASK kaj dum la Usona Kongreso de Esperanto.

Amike,

Fabjo Montejro


Iom pri mi: Mi estas profesia ĵurnalisto, kiu nuntempe laboras en Televid-kanalo kaj radi-stacio en Brazilo. Mi loĝas en urbo Fortalezo, situata en la nordorienta parto de la lando. Ĝi iom famas en Esperantujo pro ĝia vigla E-movado kaj pro la fakto ke ĝi gastigis UK-on en 2002. Mi estas fraŭlo, tial mi ankoraŭ ne havas gefilojn.

Mi laboras kiel prezentisto ĉe televid- kaj radi-stacio.

Mi laboras kiel prezentisto ĉe televid- kaj radi-stacioj.

Mi ekkonis Esperanton en 2008, kiam mia ĉefo “devigis” min prepari televid-raporton pri la Internacia Lingvo. Tiam mi tuj interesiĝis pri Esperanto. Nun mi estas ano de UEA kaj gastiganto ĉe Pasporta Servo. Ene de Esperantujo mi reĝisoras aŭdvidan projekton, nome “Globeto – Interreta Televido”.

– Spektu Globeton:
https://www.youtube.com/playlist?list=PL6080927F401B564B

– Vizitu mian blogon:
http://fabinhomonteiro.com

– Kontaktu min ĉe Facebook:
http://facebook.com/fabjomontejro


England flagSummary: This week I started planning my trip to USA.

Bandeira da Espanha.Resumen: Esta semana empecé a planear mi viaje a los EE.UU.

Bandeira do Brasil.Resumo: Nesta semana comecei a planejar minha viagem aos EUA.

04/04/2013 at 15:35 Deixe um comentário

NOVA okazis mojose, kiel kutime…

Esperanta flago. Mi multe mojosumis ĉi-semajnfine ĉe NOVA!

Kelkaj partoprenantoj en Esperantista Brazila Novjara Aranĝo.

Kelkaj partoprenantoj en Esperantista Brazila Novjara Aranĝo.

Saluton, geamikoj! Ĉi-blogaĵo estas nur por registri ke mi estis ĉe NOVA dum la pasinta semajnfino. NOVA signifas Novjara Aranĝo, ia E-renkontiĝo kiu okazis de la 3-a ĝis la 6-a de januaro, en Brazilo. Bedaŭrinde mi ne havas sufiĉan tempon por priskribi pli detale pri ĉio kio okazis tie, ĉar nun mi estas survoje vojaĝanta al Bona Espero… Tamen mi ĵus muntis sonraporton por Varsovia Vento, kaj ĝi aperis en la 86-a elsendo. Do vi povas aŭskulti kaj fantazii post klakado sur la koncerna ligilo. Ha, mi ankaŭ multe filmis celante muntadon de filmeto por Globeto – Interreta Televido. Baldaŭ mi alportos novaĵojn pri tio.

[Fábio Monteiro]

England flagSummary: I was this weekend in NOVA, new year meeting with friends who can speak Esperanto.

Bandeira da Espanha.Resumen: Yo he estado este fin de semana en NOVA, una reunión del año nuevo con amigos que hablan esperanto.

Bandeira do Brasil.Resumo: Estive neste fim de semana no NOVA, encontro de ano novo da galera do Esperanto.

07/01/2013 at 11:07 Deixe um comentário

Arta Ekspozicio gvidata en Esperanto

Esperanta flago. Globeto – Interreta Televido – ĵus aperigis novan raportaĵon. Legu bonvole detalojn sube.

Hodiaŭ mi publikigis novan filmeton en Esperanto. Temas pri ekspozicio de pentraĵoj verkitaj de artisto, kiu loĝas ĉi tie en urbo Fortalezo, nome Jozefo Lejĉ. Detaleto: ankaŭ li parolas Esperanton! La filmeto estas tre simpla, ĝi montras la ekspozicion dum la pentristo konversacias amike kun la spektantoj, kvazaŭ li gvidus ilin tra la pentraĵoj.

La plej interesa afero estas percepti ke nuntempe la interreto kune kun la Internacia Lingvo ebligas tian mirindan formon de interkomunikado, kie iu ajn evento – ie ajn – povas ricevi vizitantojn el ĉie (almenaŭ virtuale). Se la evento temas pri arto, tiu ebleco estas eĉ pli ĝojebla, ĉar oni kutime diras ke la arto efektive estas universala lingvaĵo…

Ha, ĉi tiu filmeto estis la unua farita de mia nova kamerao, kaj ĝi funkciis kiel unua eksperimento… Fakte la kvalito de la bildoj kaj de la sonoj multe pliboniĝis kvankam mi filmis sub malbonaj kondiĉoj, en bruema kaj iom malluma loko. Sed la unua rezulto plaĉis al mi. Do mi esperas ke ankaŭ vi, la leganto-spektanto, ĝuu ĝin. Bonvole opiniu! Lasu vian komenton ĉefe ĉe YouTube. Via reago tre gravas al nia projekto!

[+] Ankaŭ vizitu bonvole la blogon de la pentristo: www.lejch.blogspot.com.br

[Fábio Monteiro]

England flagSummary: Video of an exhibition of paintings where the painter himself guides us in Esperanto.

Bandeira da Espanha.Resumen: Video de una exposición de pinturas guiada por el propio pintor en Esperanto.

Bandeira do Brasil.Resumo: Vídeo de uma exposição de pinturas guiado pelo próprio pintor em Esperanto.

26/11/2012 at 18:59 Deixe um comentário

Aare el Estonio en Brazilo

Esperanta flago.Estono vojaĝas tra Brazilon per Pasporta Servo
Ĉisemajne ni ricevis pli unu eksterlandan esperantiston ĉi tie en Fortalezo: Aare Metsamart el Estonio. Li eklernis Esperanton en 1991 kaj per la lingvo li multe vojaĝis kaj konis diversajn landojn kaj malsamajn kulturojn. Inter siaj spertoj, li emfazis la kvin-fojojn, kiujn li vizitis Baraton (li estas budhano!), kaj la loĝadon en Argentino dum 3 jaroj. Tie ĉi, en Brazilo, li feriumas nun duafoje, tamen tio estas la unua vizito al Fortalezo. Bedaŭrinde li restis en nia urbo nur dum tri tagoj, kaj hodiaŭ li iris al Manaŭo, kiu estas urbego situata kerne en la Amazonia ĝangalo. La tuta vojaĝo daŭros dum unu monato kaj li intencas iri al aliaj ejoj kiel: la ĉefurbo Braziljo kaj Mato-grosa Marĉejo.

Aare, Hilbernon, Leandro kaj mi mem.

Aare, Hilbernon, Leandro kaj mi mem.

Bandeira do Brasil.Estoniano viaja pelo Brasil usando a língua Esperanto
Nesta semana, recebemos mais um esperantista estrangeiro aqui em Fortaleza: Aare Metsamart da Estônia. Ele começou a estudar Esperanto em 1991 e através da língua já viajou bastante e conheceu vários países e culturas diferentes. Entre suas experiências, ele destacou as 5 vezes que visitou a Índia (ele é budista!) e os 3 anos em que morou na Argentina. Aqui no Brasil, ele está passando férias pela segunda vez, no entanto esta foi sua primeira visita a Fortaleza. Infelizmente só ficou na cidade durante 3 dias e hoje seguiu para Manaus. A viagem completa vai durar um mês e ele tem intenção de ir a outros lugares como: Brasília e o Pantanal Matogrossense.


England flagEstonian travels through Brazil using the language Esperanto

Aare interparolas kun lernantoj en universitata Esperanta kurso.

Aare interparolas kun lernantoj en universitata Esperanta kurso.

In this week, we welcome another foreigner Esperantist here in Fortaleza: Aare Metsamart from Estonia. He started learning Esperanto in 1991 and, through this language, he has travelled a lot and has known lots of countries and different cultures. Among his experiences, he noted the 5 times which he visited India (he is a Buddhist!) and the 3 years which he lived in Argentina. Here in Brazil he is on vacation for a second time, however this was his first visit to Fortaleza. Unfortunately he stayed in our city only for 3 days and went to Manaus, a big city in the middle of the Amazon jungle. The whole trip will last one month and he intends to go to other places like Brasilia (the capital) and the Pantanal.


Estoniano viaja a través de Brasil utilizando el idioma Esperanto
En esta semana hemos recibido otro esperantista extranjero aquí en Fortaleza: Aare Metsamart de Estonia. Él empezó a estudiar Esperanto en 1991 y a través de la lengua ha viajado mucho y conocido a muchos países y culturas diferentes. Entre sus experiencias, señaló las 5 visitas al India (él es budista!) y los 3 años que vivió en Argentina. Aquí en Brasil, está de vacaciones por segunda vez, sin embargo esta fue su primera visita a Fortaleza. Por desgracia, él permaneció en la ciudad por sólo 3 días y hoy ya fue a Manaus, que es una gran ciudad situata intrínsecamente en la selva amazónica. Todo el viaje tendrá una duración de un mes y él tiene la intención de ir a otros sitios tales como: Brasilia (la capital) y Pantanal.

[Fábio Monteiro]

26/10/2012 at 22:07 Deixe um comentário

“Esperanto Geedzigas” en la Esperanta Retradio!

Esperanta flago. Globeto (Interreta Televido) vojaĝas tra la Esperantujo.

Hodiaŭ mi estas treege feliĉa kaj emocia! Mi preskaŭ ne kredis kiam mi aŭdis tiun basan kaj belan voĉon reklamante miajn filmetojn pere de la Esperanta Retradio. “Kun granda ĝojo mi prezentas ĉi tie en la Esperanta Retradio tiujn du filmetojn kaj mi esperas ke sekvos multaj similaj belaj raportoj el tiu urbo kaj el la lando”, diris Anton Oberndorfer, unu el la plej konataj voĉoj el Esperantujo. Kompreneble li parolis multe pli, inkluzive laŭde pri Brazilo kaj pri mia urbo… Se vi volas, vi povas aŭskulti ĉion ĉe la suba ligilo:

http://peranto.posterous.com/esperanto-edzperanto-en-brazilo

Tio kortuŝis min speciale, ĉar mi jam konsideras ke la Esperanta Retradio estas parto de mia ĉiutaga vivo. Efektive mi ĉiam amegis radion ekde mi estis infano (cetere, pro tio mi nuntempe profesie laboras en radistacio!). Tamen mi malkovris antaŭ nelonge ke ankaŭ aŭskulti Esperantajn elsendaĵojn estas granda fonto de ĝojo, ĉar oni povas unuigi utilecon kaj amuzon. Ekde tiam mi fariĝis fidela aŭskultanto de la Esperanta Retradio.

La voĉo!

La voĉo!

Grava detalo, kiun mi volas substreki, estas tiu stranga fenomeno, kiu atingas ĉiujn radio-fanatikulojn ĉirkaŭ la mondo. Malgraŭ la manko de bildoj, la voĉoj havas nekredeblan allogan forton! Se la radio-parolanto klare, simpatie kaj interese alparolas, tiam aŭtomate la aŭskultantoj fariĝas amiko de la parolanto! Kaj tio estas mia sento ĉiam kiam mi aŭskultas la voĉon de Anton aŭ de alia kunlaboranto de la Esperanta Retradio. Pro tio mi volas danki al la skipo, kaj peti: bonvole neniam haltu tiun belan laboron!


Strategio por lerni Esperanton per radio

Nuntempe la Esperanta Retradio estas unu el la plej gravaj metodoj, kiujn mi uzas, por lerni Esperanton. Per ĝi oni povas lerni pli ol gramatikaj strukturoj aŭ novaj vortoj. La Esperanta Retradio estas riĉa fonto de informoj pri preskaŭ ĉio, ĉar ĉiu sonartikolo temas pri specifa afero, krome ĝenerale ili ankaŭ liveras ian interesan individuan vidpunkton aŭ propran sperton pri la koncerna temo.

Esperanta Retradio en mia MP3-ludilo.

Esperanta Retradio en mia MP3-ludilo.

La plej bonaj aferoj: la programoj estas mallongaj, ĉirkaŭ kvin-minutaj, do ili ne lacigas la aŭskultantojn kaj tio ankaŭ estas taŭga por sentempuloj, kiel mi… Krom la elŝutebla sonmaterialo, ankaŭ la skribita versio estas kopiebla! Krome ĉiuj sonartikoloj, eĉ la plej malnovaj, restas arkive ĉe la retpaĝo. Do tio estas vera trezoro por Esperantaj lernantoj.

Kiel mi ne havas sufiĉan tempon por eniri en la retpaĝon ĉiutage, do en la fino de ĉiu monato mi elŝultas la tutan materialon de tiu koncerna monato. Tuj poste mi enmetas la sonartikolon ene de mia MP3-ludilo kaj samtempe mi registras KD-on, kiun kutime mi aŭskultas aŭtomobile. La skribitajn versiojn mi presas, bindas kaj konsultas ĉiam kiam la duboj aperas. Tiel mi provas konservi la lingvon aktive en mia kapo, per amuza kaj efika rimedo. Provu, certe vi ne pentu!

[Fábio Monteiro]

England flagSummary: Two videos which I made were mentioned in an international radio.

Bandeira da Espanha.Resumen: Dos videos que hice fueron mencionados en una radio internacional.

Bandeira do Brasil.Resumo: Dois vídeos que eu fiz foram mencionados em uma rádio internacional.

01/10/2012 at 20:38 Deixe um comentário

Ĉu Esperanto geedzigas?

Esperanta flago. Kion vi opinias? Ĵus aperis ĉe “Globeto – Interreta Televido” du filmetoj pri geedziĝo inter esperantistoj.

Certe kiam Zamenhof ekpensis pri ia internacia lingvo, geedzigi homojn ne estis lia ĉefa celo. Tamen kutime la esperantistoj aŭdas pri geparoj – formitaj de homoj el malsamaj landoj – kiuj konatiĝis pere de Esperanto, tuj poste enamiĝis, kaj finfine geedziĝis.

Ŝajnas al mi, ke multaj esperantistoj ŝatus travivi tian sperton, ĉar la plejmulto emas sperti internaciajn kontaktojn. Ankaŭ plaĉas al mi tiun ideon, sed bedaŭrinde mi ankoraŭ ne havis ŝancon koramikiĝi kun bela kaj interesa eksterlandulino… Ankoraŭ… 😉 Eble pro tio, ke Brazilo estas tre fora lando, kaj ne estas facile trovi eksterlandanojn, kiuj parolas Esperanton, ĉie… Tamen mi kredas, ke pro la interreto, tiaj internaciaj rilatoj pli kaj pli eblas, kaj do kreskos la nombro da E-geparoj mondskale. Pro tio mi pacience esperas…

Por nutri la revon de ĉiuj amemaj viroj kaj virinoj ĉirkaŭ la mondo, jen: Esperanto Geedzigas. Du kvin-minutaj dokumentaj filmetoj, kiuj montras la geedziĝon inter unu brazilano kaj unu polino, ambaŭ esperantistoj, kiuj konatiĝis dank’ al Esperanto, kaj ekde tiam konstruas seriozan interrilaton pere de la Internacia Lingvo. Bonŝance ili estas amikoj miaj, kaj mi povis registri ĉion per filmoj kaj fotoj. Kvankam tia historio ne estas novaĵo en Esperantujo, apenaŭ ekzistas aŭdvidaj registraĵoj pri tio. La filmetoj estas tre simplaj kaj faritaj per modestaj teknikaĵoj, sed bone montras kiel Esperanto trafas la korojn de ĝiaj parolantoj. Mi esperas, ke ĉiuj revemaj esperantistoj en la mondo kunprofitos tiun feliĉan momenton spektante la subajn filmetojn.

*Ha, Esperanto Geedzigas unue estis farita por partopreni konkurson “125 jaroj de Esperanto”, okazigita de Germana Esperanto-Asocio dum decembro 2012.


Jes! Nun mi estas vera Reĝisoro! =P

Jes! Nun mi estas vera reĝisoro! =P

Pli moderna filmilo
Finfine mi aĉetis novan kaj pli bonan kameraon, nome Sony HXR-MC50U. Mi feliĉegas, ĉar ekde nun mi povos fari filmetojn kun pli bona kvalito, eĉ kun alta difino (high definition)! Ĝi venis el Usono, kaj mi ricevis ĝin antaŭ iom da tagoj. Do mi ankoraŭ ne havis tempon por fari la unuan filmeton per ĝi, ĉar mi estas traleganta la lernolibreton, kiu instruas pri ĝia funkciado. Venontsemajnfine mi inaŭguros ĝin per testfilmo, kaj tuj poste mi enmetos tiun testaĵon ĉe Globeto.

[Fábio Monteiro]

England flagSummary: Video shows marriage between esperantists from different countries.

Bandeira da Espanha.Resumen: Video muestra matrimonio entre esperantistas de países diferentes.

Bandeira do Brasil.Resumo: Vídeo mostra casamento entre esperantistas de países diferentes.

18/09/2012 at 19:01 2 comentários

Posts antigos


Languages

Clique sobre a foto e conheça o viajante: Fábio Monteiro.

O Blog

Um blog pra quem gosta de se aventurar pelo mundo. Dicas e relatos de viagem baseados em fatos reais.

Blogo por tiuj, kiuj ŝatas riski sin tra la mondo. Konsiloj kaj rakontoj pri vojaĝoj bazitaj sur realaj okazaĵoj.

A blog for those who like to venture into the world. Tips and travel accounts based on real events.

Un blog para aquellos que gustan de aventurarse en el mundo. Consejos y relatos de viajes basados en hechos reales.

1 de junho de 2016
Hora de viajar!
Clique aqui e assista ao programa!
on Facebook.
Follow me!
Veja fotos!
On Google.

• Digite seu endereço de e-mail abaixo para assinar este blog e receber notificações de novos posts por e-mail.

• Skribu sube vian ret-adreson por aboni ĉi tiun blogon kaj ricevi avizojn pri novaj blogaĵoj per ret-adreso.

• Enter your email address below to subscribe this blog and receive notifications of new posts by email.

• Introduzca su e-mail para suscribirse a este blog y recibir notificaciones de nuevos mensajes por correo electrónico.

Junte-se a 2.474 outros seguidores

Categorias

Tópicos recentes

Instagram

Viajante no Twitter

Spektu Esperantan Televidon.
Vidu mian profilon ĉe Pasporta Servo.

Posts deste mês

agosto 2017
D S T Q Q S S
« jul    
 12345
6789101112
13141516171819
20212223242526
2728293031  
Coluna Playlist - Jornal O Povo
Fabinho na TV.
Fabinho no rádio.

%d blogueiros gostam disto: